Egun hunkigarri asko izan genituen joan den astean. Joan dira jada etxeko atxiloaldia egin duten 3 presoak. Giro onarekin, hitzaldi eta tailerrekin, irudimena eta pentsamenduarekin ilustratu dute munduaren ordenaketa injustu bati aurre egitean jaso duten zigorra. Irakaspen asko izan ditugu eta benetan eskertzen diegu lotsara eta bakardadera zokoratutako zigorraren kultura garaikide hau kale Nagusira ekarri eta geurekin partekatu izana.

Joan den asteko beste une eder horietako bat Nafarroako bertsolari txapelketaren final zortzirenen hasiera izan zen. 170 lagun, 6 bertsolari, argiak, alde zaharreko bertsolari gazteak, Nafarroako hamaika lekutatik (eta are Bidasoaz bestaldetik) gerturatu ziren bertsozaleak.

Baina hunkidura eta jakintza ez da aste honetan etengo Komunalak ala hil! jardunaldien beste hiru saio izango ditugu, euskarazko ekitaldi eredugarrien liburu aurkezpen bat, asanblada bat eta Hamabostaldi libertarioen hasiera.

Datorren ostiralean izango da La Casa Roja irakurle taldearen hitzordua. Garaiz zabiltza David Eloy Rodríguezen liburua irakurtzeko.

Astelehenean interneti buruz ariko dira Karlos G. Liberalek eta Margarita Padilla. Munduko jakintza komunal digitalen desobedientzia esperientziak eta proposamenak kontatuko dituzte.

Asteazkenean Kataluniako Bellvitge Ospitaleko borroka esperientziak kontatuko dizkigute. Partehartzea, demokratizazioa eta erabiltzaileek kudeatutako osasungintzari buruz hitz egingo digu Marta Carrerasek (Associació Catalana en defensa de la Sanitat Pública).

Ostegunean Brasildik Maria Alzerina Carneiro Montelo izango dugu landa okupazioari buruz hitz egiten (Movimento dos Trabalhadores Rurais Sem Terra -MST-).

6 ekitaldi izango ditu aurtengo hamabostaldi libertarioak. Lehenengoa ostiralean 19etan Pepe Ribasen hitzaldia izango da Ajoblanco aldizkariari buruz.

Asteartean 19etan Aitziber Sarasolaren omenez 19.KORRIKA euskahalduntzeaz hitz egingo digute. Zenbait ekimen eredugarriri buruzko jardunaldia.

Ostiralean 11etan Labrit Multimediak antolatuta ondare inmaterialari buruzko liburu aurkezpena.

Larunbatean 11etan Nafarroako Osasun Plataformaren balantzea.

Eskubideen galera orokor baten garaia da hau. Adierazpen askatasunaren irakurketa ertsiak egiten dira, prentsa askatasun jakin batera mugatuz. Murriztua dago pertsonen mugimendu eskubidea, kontinenteen artean eta auzoen artean. Horregatik bi ziklo poliedriko izango ditugu datozen bi asteotan KOMUNALAK ALA HIL! desobedientzia mundu mailan aztertzeko eta ALKATAKRAZEKO DESOBEDIENTZIA ETA OKUPAZIO ASTEA gertuago eta praktikoki gertatutakoez ikasteko.

Otsailak 2tik 12rako jardunaldiotan, planetaren zenbait puntutan abian jarri diren hainbat esperientzia lehen eskutik ezagutu ahalko ditugu: ura eskubidearen defentsa (Tesalonika, Grezia); nekazaritza eta hirietako lurraldearen erabilera komunitarioa (MST, Brasil); edota osasuna pribatizatzeko saiakerak geldiarazteko ahaleginak (Bellvitge ospitalea, Katalunia). Horrez gain, finantza publikoak, hartzekodunen aurrean, nola defenditu diren ezagutuko dugu (Ekuador), eta baita mundu mailako ziberespazioan materialen partekatzea nola gauzatzen den.

Euskal Jairen okupazioaren 20. urteurrena iragartzeko plantilaren bidezko pintaketak egiteagatik hiru lagun 6 eguneko etxeko atxiloaldira eta 624 €ko isuna ordaintzera zigortuak izan dira. Katakraken emango dituzte 6 egun horiek eta batera erakusketak, hitzaldiak eta dokumental proiekzioak egingo dituzte larunbat honetan Detritusen erakusketarekin hasita. Adi egitarauari eta geure buletinari.

1936ko estatu kolpearen eta osteko gerraren ondorioz gosea eta urritasuna zabaldu ziren Francisco Francoren diktaduran. Erregimen politikoak odola eta gartzela erabili zituen une horretako gizon-emakumeen kontra; baina klase herrikoiek duintasuna eta kuraia mantendu zuten haien bizi baldintzen eta askatasunen alde borrokatuz. Hasierako protesta marmarra izan zen, ostean egin zuten oihu grebek.

Ostiralean 20etan hileroko Irakurle Taldeko hitzordua izango dugu Harry Crewsen Autoa-rekin (Susa 1993), nobela metaliko amerikarra.
Larunbatean 12etan Ekonomia kritikoaren saioan Karl Polanyiren Merkatuaren mugak (Capitan Swing 2014) izango dugu mintzagai.

Astelehenean 19etan Iratzar Fundazioak "Subirautza, erabakitzen eskubidea eta haustura demokratikoa" hitzaldia antolatu du Alba Nogueira (Galiza Sempre Fundazioa), Carles Riera (CIEMEN) eta Karmelo Landarekin.
Asteartean 18etan Karrakelak elikadura subirautzari buruzko solasaldia antolatu du.
Ostiralean 19etan ATTAC Nafarroak bankuei buruzko hitzaldia antolatu du Javier Alemán eta Javier Gimenorekin.