Katakraeko lehendabiziko urtea
2015/01/17
Katakrakek urte bete
Urte bete joan da. Jendeak deitu izan gaitu Pataplaf, Traka traka, idatzi du Katakrack, Catacrac, Ka Ta Krak. 160 ekitaldi egon dira goiko aretoan. Prentsaurrekoak, asanbladak, bilerak, 3 irakurle talde martxan, 4 irakurketa ibilbide, online salmenta montatu dugu, irakurleen liburu gomendioak eta argudiaketak entzun. Urte betean gertakizun asko eta hunkigarriak gertatu dira Katakrakeko komunitate zabalean, jendea iritsi da, alde egin du, zaletasun berriak.
Abenduak 31an brindis txiki bat egin genuen urteak eman dituenak gogoratzeko. 2015ak nobedadeak izango ditu, apurka aletuko dizkiezuegu, astetik astera, buletin honen bidez.
Komikien irakurle talde berria
Bai. Laugarren irakurle talde bat sortu da Katakrakeko barrunbeetan. Helburua? Komikiei buruz jardutea euskaraz ikasi bitartean. Lotsarik gabe, helduen gaiak jorratuz, hilean behin, komikiaren zentzu zabalenean. Hileko azken ostegunean 20etan. Euskara ikasten ari bazara, edo hala ari den ezagunen baduzu anima ezazu. Gainontzeko irakurle taldeetan bezala irakurtzea eta mintzatzeko gogoz etortzea da baldintza bakarra.
Lehenengo hitzordua otsailak 26an izango da Zaldi Eroaren “De Rerum Natura 5” zinta bildumarekin.
Ostegunero afariak: Masa kultura
Hemendik aurrera ostegunero 21etatik 23etara afaltzeko aukera izango duzu: focacciak, entsaladak, zopa, patata erreak eta azkenburukoak. Horrez gain, badakizu formatu txikiko hitzaldiak egiten ditugula ostegunetan Katakrakeko kantinan.
Jose Luis Otamendi: Kapital publikoa
Egungo poesiak duen ahots landu eta lasaienetako bat da Jose Luis Otamendirena. Duela zazpi urte La Hormiga Atomican izan zen Erlojuen mekanikarekin (irudian Patxi Larrionen alboan daukazu). Datorren asteazkenean Kapital publikoa (Susa 2014) ekarriko du errezitaldira.
Joaquin Sevilla: WIFIa eta bere ondorioak
Joaquin Sevilla Fisika Aplikatuko doktorea da NUP-en. Dibulgazioan eta entretenimenduan aritua da eta uhin elektromagnetikoen eta minbiziaren arteko aldea aztertuko du osteguneko hitzaldian, arratseko 19etan.
Ekitaldiak
22an 19etan Ixiar Rozasek Beltzuria (Pamiela 2014) liburu berria aurkeztuko du.
23an 19etan Geronimo de Ustarizek mintegia antolatu du memoria historiko errebisionista aztertzeko.
23an 19:30ean LA CASA ROJA irakurle taldean Adonisen Epitafio para Nueva York (Nórdica 2014) izango dute mintzagai.
Harremana duten ekitaldiak
Libros recomendados:
