Azken lau hamarkadetako progresismoak, giza aurpegidun kapitalismoak, dikotomia bat eratu nahi izan du neoliberalismoaren eta kapitalismo aurrerazalearen artean. Hala, irudi luke, ongi kudeatutako kapitalismoak gaitasuna izango duela krisi ekologikoa konpontzeko, pobrezia mundutik erauziko duela eta gerra desagerraraziko duela. Honako testuak filosofia eta ekonomia zorrotz eta ez dogmatikoki aztertu eta ulertu zituen militante batek idatzi zituen. Bizitza asko izan zituen ultraezkerreko, komunismo ez leninistako, iraultzaile batek. Oso argigarria da, euskaraz aurrenekoz aritzen den Mattick hura nor zen jakiteko Pablo Oliverosek egin duen sarrera. XX. mendeko lehenengo bi herenetako politika askatzaileena uler daitekeelako Alemanian hasi eta Ameriketan amaitu zuen Matticken bidez.