«Kapitalismoa eta emakumeen aurkako indarkeria» itxitako liburu-dendetan
2020/04/15
Gaur osteguna da eta igandetan jaso ohi duzun buletina jaso duzu. Merezi du sareak saturatzea saturazio garaietan? Merezi du elkar hainbeste xaxatzea? Tira. Ahalik eta gehien jaitsi ditugu komunikazioak plataforma digitaletan, salbuespenen batekin. Baina hemen gaude. Bileragintzan. Zutako asko bezala. Telematika telezaborra bihur ez dadin saiatzen. Baina hemen gaude. Zu bezala. Eta gauzatxo batzuk batu ditugu, zuri kontatzeko.
Hasteko. Hondoratzearen aurreko egunetan iritsi zen liburu dendetaraKAPITALISMOA ETA EMAKUMEEN AURKAKO INDARKERIA Silvia Federiciren azkena. Sareta jaitsita ala erdi-irekita, han dabil Federici Iruñeko Abarzuzan, Zornotzako Billikenen, Tuterako Letras a la tazan, Donostiako Hontzan. Baina tira. Saretak igo arte itxaron beharko dugula...
Bitartean, aurkezpen publikorik gabeko liburu hori hasi da bidetxoa egiten hedabideetan: DIARIO DE NOTICIASen Miren Mindegia, Irati Majueloren iruzkina BERRIAn, Ane Eslavaren artikulua BERRIAn ere eta iragarpena NOTICIAS taldeko Ortzadar gehigarrian.
Online salmenta... eta jasotze festa!
Oso eskertuta gaude. Hamarnaka online erosketa egin dituzue egun gogor hauetan. Abailduta gaude eskaera kopuruarekin, sarritan bi ala are hiru erosketa egin dituzue.
Erosketa bakoitza laguntza handi ada, egia esan. Buka dadila alarma egoera, jasotze festa egin dezagun. Ia aurten egitea posible den.
Iruzkina Gerda Lernerri DIARIO DE NOTICIASen
Santiago J. Navarrok iruzkina egin zion LA CREACIÓN DE LA CONCIENCIA FEMINISTAri DIARIO DE NOTICIASen
Sandro Mezzadra: Pandemia eta politika
Iritzi helduak, uste handikoak pandemiaz. Hasi eta segidan hauek idatzi zituen Sandro Mezzadrak.
Audioa: Katakrak argitaletxeaz RADIO EUSKADIn
Pandemia iritsi aurretik aritu ziren Nerea Fillat eta Hedoi Etxarte RADIO EUSKADIko Pompas de papel-en Kike Martin eta Txani Rodriguezekin. Saioaren bertsio luzea ere entzun dezakezu RADIO EUSKADIren nahieran plataforman.
Harremana duten ekitaldiak
Libros recomendados:
