Uztailetik ez dizugu buletinik bidali. Gauza mordoa gertatu da, eta beste hainbeste dauzkagu aurrean. Hasi da ikasturtea. Liburu denda nobedadez josita dago, jendeak babesa bilatzen du kantinan euri eta haizetik ihesi. Eta liburu aurkezpenak, solasaldiak, asanbladak, topera dugu areto nagusia. Kontu asko datoz. Adi.
Hogei lagun baino gehiago joan ziren IRAKURLE TALDE FEMINISTAren lehenengo saiora, kontsultatu programa nahi duzunean batu zaitezkeelako. Martxan dago baita ere LA CIUDAD NO ES PARA MIren bigarren denboraldia.
Urriaren amaieran hasiko da IRAKURLE TALDEAren zortzigarren edizioa, indar berrituta.
Itzuli da, Trapezistaren orekak antolatuta, Letrazaurituak II topaketa Katakrakera. Solasaldiak, ikuskizunak, ikastaro bat. Eta bazkidea bazara, irailaren 30era arte (tokia bete artea) aulkia gordeko dizugu socixs@katakrak.net helbidean, ez bazara bazkidea hemen aukera: reservasletraheridas@gmail.com.
KRISTO FUSILAREKIN liburuari iruzkina egin zioten ALDA aldizkarian.
Danele Sarriugarteri elkarrizketa egin zioten BIZKAIA IRRATIAn ARIMAREN ETORKIZUNAri buruz.
Sebastian Friedrich-i elkarrizketa egin zioten LA SOCIEDAD DEL RENDIMIENTO liburuaren, eta beste batzuen kontura, LA DIRECTAn.
LA INCOMPLETA, VERDADERA Y AUTÉNTICA HISTORIA DEL PRIMERO DE MAYO liburuari erreportaia egin zioten DIARIO DE NAVARRAn eta DIARIO DE NOTICIASen.
Honezkero 330 bazkide dauzkagu: lortuko ditugu 500 urtea amaitu aurretik? Kanpainari toki egin zion DIARIO DE NOTICIASek, ORTZADAR gehigarriak eta GARAk argitaletxearen gaia jorratu zuen.
Liburu dendetan dago jada CUANDO TU JEFE ES UNA APP Sarah Abdelnour eta Dominique Médak idatzia eta inprentatik atera berri da RAMÓN BENGARAY. OSASUNA Y REPÚBLICA Esther Aldave Monreal iruindarrak idatzia.
Teknologiaren ikuspen fatalista duzu? Batera daitezke teknologiak prozesu eta prozesu eraldatzaileak? Begira ze programa ederra dugun urriak 19etik aurrera.
Entzungai daukazu Bixente Serrano Izkori egin omenaldia, baita Delincuenciario (Eunate 2020) liburuaren aurkezpena Pascual García Aranorekin ere.
![](https://katakrak.net/sites/default/files/styles/blog_home/public/eixxxhwxgaav2ta_1.jpeg?itok=7mDW_zPk)
Gazteleraz ekarri nahi genituen bi liburu inprentako ateetan geratu dira, 2021erako zain... baina nobedadeak dakartzagu. Udako lehena izango da Peter Linebaugh historialari marxista. Linebaugh E. P. Thompson-en oinordekoetako bat da eta La incompleta, verdadera, auténtica y maravillosa historia del Primero de Mayo liburuan gertakizun mordoa berreskuratzen ditu, Maiatzaren lehenaren kolore guztiak daude bertan: gorria, berdea, beltza, morea, zuria. Dibulgaziozko liburu bat eta, aldi berean, aberatsa. Aurrez ezagutuko zenituen Crítica eta Traficantes de sueños argitaletxeek gazteleraz emandakoak, agian... urrun dago datorren udaberria, bizitzaren hasiera, eta ordea, udarako irakurketa oso aproposa da hau.
«Eta Sanferminetan zer?» galdetzen diguzue... erantzuna erraza da: ezer ez. Alegia Blackferminik ez. Zer esan nahi du horrek? Bada Nicollette bezalako tabernek irekitako bidea jarraituko dugula: erakundeen lainoen artean ardura. 6an itxita. Eta 7tik aurrera ba ekainaren 7a ala irailaren 7a balitz bezala: gorde bazkaldu ala afaltzeko asmoa baduzu, mahaietan soilik emango dugu jana eta edana, eta liburu denda zabalik izango dugu 10etatik 14etara eta 16:30etatik 20:30etara.
Blogean jaso dugu Irati Majuelok Tiagori BERRIAn egin iruzkina.
Aitor Etxartek Iñigo Roquerekin hitz egin zuen EUSKALERRIA IRRATIAn.
Javier Rojok iruzkina egin zion Kristo fusilarekin (Katakrak 2019) liburuari DIARIO VASCOn eta EL CORREOn.
Antonio Aretxabalak txostena egin du Nafarroako meatzaritza berriaren egoerari buruz, nardagarria da eta entzungai daukazu, txostenaren aleak dauzkazu liburu dendan.
Amaiur Ruizek egin zuen aurtengo azken liburu aurkezpena, entzule gazte-gazteak ziren adi, maskarak bisai erdia estaltzen.
![](https://katakrak.net/sites/default/files/styles/blog_home/public/105298605_619182942354736_8699490262740313174_n_2.jpg?itok=y0Pd0BXZ)
Berrogeialdi betean inprentan geratu zen BOST EGUN, BOST GAU. Eleberri labur bat eta bi narrazio jasotzen ditu liburuak, Portugaldik Frantziara ihes eign zuten ehunka milaka lagunek Frankismo gorrian, eta hori kontatzen du fikziotik Manuel Tiagok. Idazle portugesaren lanez gain Amets Arzallusek (Miñan arrakastatsua eman zuen Susak iazko udagoienan) hitzaurrea egin dio eta Iñigo Roque itzultzaileak hitzatzea Bidasoako muga pasa eta pertsonen trafikoari buruz.
Liburuak egin du bidea hedabideetan: Miren Mindegiak DIARIO DE NOTICIASen jaso zuen, Ane Eslavak BERRIAn, Arantxa Iturbek Iñigo Roqueri elkarrizketa egin zion EUSKADI IRRATIAn, Ion Stegmeierrek DIARIO DE NAVARRAn. Gainera, Roquek eta Amets Arzallusek bideoaren bidez aurkeztu zuten liburua Radical Mayn. Horrez gain Irati Majuelok iruzkina egin zion BERRIAn.
Ícaro Obeso Muñizek PAISAJE TRANSVERSAL blogean AIRBNB, LA CIUDAD UBERIZADA (Katakrak 2019) liburuari iruzkina egin dio.
Silvia Federiciren azken lanari buruz aritu dira ZAZPIKAn eta Patxi Gaztelumendik GARAn Federici eta Amaia Astobizaren arteko solasaldia jaso zuen.
Fernando Castrok bideo bidezko iruzkina egin zion LA SOCIEDAD DEL RENDIMIENTO (Katakrak 2018) liburuari.
HAMAIKA TBn eta DK IRRATIAko Ispilu Beltza saioetan bazkide kanpainaren berri emateko aukera izan genuen. Mila esker hedabideoi.
Fernando Rey solasean izan zen Arantxa Iturberekin EUSKADI IRRATIAko Arratsean saioan Nanni Balestriniren nobelari buruz.
![](https://katakrak.net/sites/default/files/styles/blog_home/public/xtymbinr_0.jpg?itok=32OK-4Xi)
Aste betean 100 bazkide dauzkagu. Narratiba anglosaxoiaren zalean, hitzaldi guzti-guztietara datozenak, feministak, komiki fantastikoen zalean, ekologia saileko liburuen irensleak, sindikalistak, pentsiodunak, konfinatuak egon diren haurrak. Hamaika tokitakoak dira gainera: Barañain, Ordizia, Alde Zaharra, Bigarren Zabalgunea, Hondarribia, Gandia,Gasteiz, Madril, Atarrabia, Berriozar, Burlata, Leitza, Zumaia, Bera, Mendillorri, Sarriguren, Bilbao, Hernani, Artika, Zizur Mayor, Donostia, Iturrama, Txantrea, Zirauki, Logroño, Erripagaina, Sanduzelai, Donibane.
Hedabide ezberdinetara iritsi da mezua: EGUZKI IRRATIA, RADIO EUSKADI, EUSKALERRIA IRRATIA eta ARGIA .
Kolpe gogorra izan da, beraz bai, beharko dugu zure lehengusina, AHTaren kontrako zure laguna, institutu garaiko lagun hura eta abar.
Beste lau liburu dauzkazu deskarga librean: ¡SUBVERSIÓN!, EL DISCURSO DEL TERRORISMO, MICHAEL KOHLHAAS eta SOFIA PETROVNA.
Maria Colera BIZKAIA IRRATIAn izan zen Garazi Albizuarekin Barbara Ehrenreich eta Deirdre Englishen liburuaz hitz egiten.
Bitxia izan zen aurtengo Liburuaren eguna, gutxitan bezalako oihartzuna hedabideetan, pieza batzuk erakutsi gabe geneuzkan, hara DIARIO DE NOTICIASekoa eta BERRIAkoa.
Joan den astean James Longhurst eta Laura Carasusánek LAS BATALLAS DE LA BICI aurkeztu zuten online.
Ikusgai daukazu Nola egin Krak zikloko lehenengo saioa Paco Roda (Alde Zaharrean Bizi), Cecila Themme (Euskal Herriko emakume etorkin eta arrazializatuen sarea) eta Pablo Lorente (Sustrai Fundazioa).
![](https://katakrak.net/sites/default/files/styles/blog_home/public/tarkovski_0.jpg?itok=ctfZqUwO)
Aspaldi ari ginen prestatzen. 2013an ateak ireki genituenetik ia astero eskatzen ziguten Katakraketik pasatzen zirenek eta pandemiak martxan jartzera behartu gaitu. ¡Katakrakeko bazkidea izateko aukera duzu! Eta behar zaitugu.
Hemen azaltzen dizugu zergatik eta hemen bazkidetu zaitezke.
Ideia zabaldu! Kontaiozu zure izebari eta lantokiko lagunari! Zurekin bai ala bai!
Europako hedabideak liburu dendei begira egon dira konfinamenduan. Tokiko prentsan jaso ditugun ale batzuk bidali dizkizugu aurreko buletinetan. Fase aldaketa honetan ere hedabideetan sarri agertu dira liburu dendak. Hala, parte hartu dugu ETB1en, RADIO EUSKADIko Boulevard saioan, GARA egunkarian, DIARIO DE NAVARRAn eta CADENA SER irratian.
Ícaro Obeso Muñizek Ian Brossaten AIRBNB. LA CIUDAD UBERIZADA (Katakrak 2019) liburuari iruzkina egin dio PAISAJE TRANSVERSAL blogean.
Isaac Vilaltak elkarrizketa luzea egin zion James Longhurst-i, LAS BATALLAS DE LA BICIren egileari VOLATA aldizkarian
GARAn iragarri zuten Radical Mayko lehenengo hitzaldia eta ikusgai daukazu honezkero.
Ibon Egañak iruzkina egin zion Nanni Balestriniren DEN-DENA NAHI DUGUri (Katakrak 2019) NOTICIAS taldeko egunkarietan.
![](https://katakrak.net/sites/default/files/styles/blog_home/public/mirror-1974-003-woman-sitting-on-fence_5.jpg?itok=yUB5c3yd)
Kendu begiak pantailatik. Jantzi zapatak. Bagatoz!
Astelehenean 10etan irekiko ditugu ateak: 10:00etatik 14:00etara eta 16:30etatik 20:30etara liburu dendan (ekarri zure maskara!) eta 10:00eta 20:30era kantinan
Beste lau dauzkazu eskuragai deskarga librean: FEMINISMOA DENON KONTUA DA bell hooksena Mari Luz Estebanen hitzaurrearekin, KARTZELAKO GUTUNAK SOPHIE LIEBKNECHTI Rosa Luxemburgena Amaia Lasaren hitzaurrearekin eta Ignazio Aiestaranen hitzatzearekin, LA SOCIEDAD DEL RENDIMIENTO Sebastian Friedrichena eta NAVARRISMO POPRicardo Feliurena.
Radical May ekimenarekin bat egin dugu munduko argitaletxe independente mordoarekin. Hiru liburu aurkezpen egingo ditugu online datozen egunotan: 13an, 20an eta 26an Youtuben. ¡Adi seinaleari!
Miren Artetxek iruzkina egin zion Balestriniren eleberriari ZAZPIKAn, Joseba Sarrionandiak ANBOTOn egin elkarrizketan aipatu zuen eta Eneko Barberenak bere literatur blogean jaso zuen, SAGASTI ETXEAn.
Rubén Sánchez Bakaikoak iruzkina egin zion KRISTO FUSILAREKIN liburuari HALA BEDIn eta ARGIAn.
![](https://katakrak.net/sites/default/files/styles/blog_home/public/fmt_114_24_719-1-1-1080x600_0.jpg?itok=QmOLBPtd)