Stefan Zweig
Viena 1881 - Petrópolis 1942
Idazle, biografo eta ekintzaile judu austriarra izan zen. Lehen mundu gerran bakezalea izan zen, literaturako genero ia guztietan ekoiztu zuen eta interes berezia izan zuen historiak zuen alde literarioa bilatu eta idazteko. Hermann Hesseren laguna izan zen eta Thomas Mann ezagutu zuen. Bost dozena lan baino gehiago argitaratu zituen bizirik zegoenean eta, denen artean, Gizadiaren oren gorenak izan zen gehien saldu zenetako bat.
Euskaraz, Xake nobela (Alberdania 1999, Xabier Mendiguren Bereziartuk itzulia), Emakume ezezagun baten gutuna (Igela 2005) eta Hogeita lau ordu emakume baten bizitzan (Igela 2007) irakur daitezke, Gizadiaren oren gorenak bezala, aurreko biak Edorta Mataukok itzuli zituen.
