Liburu azoka + Futbola + Irakurle taldeak + Ekoafariak + Dastatzea
2015/05/25
Joan den igandean zelulosa presente izan genuen hautespaperetan. Orain bere jatorrizko egoerara itzuli da: enkuadernatuta, azalekin, hariak josita. Ostiralean Gaztelu Plazara itzuliko gara Liburu azokara: hamar egunez nobedadeak eta apostuak erakusgai, urtean zehar interesgarria iruditu zaiguna, irakurleek gomendatu digutena. Izozkitegien parean izango gaituzu, San Nikolas karrikara begira. Gogoan izan azokan %10eko deskontua izango dugula.
Zabalzak (Osasunako entrenatzailea zenak) esan zuen bezala: geure buruaz gehiegi bio garenean oso txarrak gara. Esaldia bizitzako testuinguru askotara zabal daiteke. Gogoan izan joan den astean iragarri genuela astelehen honetan hasiko direla futbolaren inguruko jardunaldiak. Futbola beste ertz batzuetatik: emakumeen jokoa, komunitatea, politika, konpromisoa, jende langilea, ustelkeria. Mahai inguruak, dokumentalak, hitzaldiak. Irakurle taldeak ere izango ditugu hilabete amaiera guztietan bezala: portugalgo komiki bat, Jugoslaviako nobela bat eta Greziako ekonomialari bat.
Gainera ekoafaria izango dugu asteazkenean Masirekin, Lastotan kooperatibakoekine eta Txantreako Km0 harategiarekin. Eta ostegunean Ilunberriko Azpea upategikoekin ardo dastatzea Habrá también ecocena el miércoles con Masi, Lastotan y la carnicería Km0 de la Txantrea. Y cata de vino el jueves con la bodega Azpea de Lumbier. Garrantzitsua: ostegunetik aurrera musika beltza ardatz duen jaialdi bat egongo da. New Orleans after Catrina leloa hartu eta Iruñea After Barcina izango du gaitzat. Barcina haizerauntsiaren osteko Iruñerrian dantzatu eta elkar kutsatzeko aukera eder bat. Zatoz eta parte hartu, mozorrotu, dantzatu, dastatu: http://iruneanola.net/
Beste futbol bat posible da
Joan den astean iragarri genizuen futbolari buruzko jardunaldiak izango genituela. Interes handia sortu dute. Beraz etorri garaiz aretoa betetzean ezingo delako jende gehiago sartu.
Begiratu jardunaldiak hitzaldiz hitzaldi. Gogoan izan Golagardoa garagardoa izango duzula eskuragai, baita jardunaldien kamiseta eta CDa (Osasunako ereserkia tartean duena): http://www.katakrak.net/eus/ciclo/futbola-ere-lapurtu-ziguten
3 irakurle taldeen hitzordua: Fernandes, Andritx, Varoufakis
Ostegunean 20:00etan Komikiak (eta euskara) for dummies irudi eleberriaren txanda izango da Jose Carlos Fernandes-en «Munduko bandarik txarrena» liburuarekin.
Giro atseginean. Ostiralean 20:00etan Irakurle Taldea Ivo Andritx nobel saridunaren zubiari buruzko nobelaren txanda izango da.
Larunbatean 11:00etan Varoufakisen minotauroari buruz jardungo dugu Ekonomia Kritikoan.
Ekoafaria + Dastatzea
Asteazkenean 20:30ean ekoafariak itzuliko dira tenore onean. 15€ren truke menu goxoa, ekoizle kooperatibistek euren produktuak aurkeztuko dituzte, lasaitasunez.
Eman izena kantina@katakrak.net helbidean edo 948 225520an. Ostegunean 20:30ean Ilunberriko Azpea upategietatik etorriko dira. Javier bera etorriko da ardoei buruz jardutera. Saioak 8€ balioko du, pintxo goxoekin. Eman izena ardotegia@katakrak.net edo 948 225520 helbidean.
Harremana duten ekitaldiak
Libros recomendados:
