Proletarioez hitz egin aurretik, babesgabetasun komunaren esperientziari buruz hitz egin aurretik, sortu eta zirkulazioan egon ziren hamaika testu, txosten, ikerketa, buletin eta eleberri, gerora mespretxatu ziren dokumentu haiek, atzeraokiak zirela, anarkikoak eta erromantikoak. Beren delitua izan zen lehenaldira jo zutela, neurri batean idealizazioaren bidez, egunerokotasunean zegoen heriotza eta suntsiketa erasotzeko.
LA POESÍA DE LA CLASE (Patrick Eiden-Offe) XIX. mendearen lehenengo erdira bidaia da, antikapitalismo erromantikoaren errehabilitazio ariketa berantiar bat da.
Baina adi, egunotan geuk argiratutako beste bost nobedade iritsi baitira liburu-dendetara.

Durangoko Azoka digitalan gure funtsaren hautaketa bat ikusiko duzu. Gainera 7an 18etan ERBESTEKO GUTUNAK VICTOR HUGORI aurkeztuko dugu Amaia Lasarekin eta zuzenean ikusteko aukera izango duzu. 8an 18etan GURE HISTORIA DA ETORKIZUNAren txanda izango da Danele Sarriugarterekin: hemen zuzenekoa.

Azaroan izan zen liburu-denden eguna. Martxan jarri zuten Todostuslibros ataria. Orain gure webgunean saltzeaz gain han ere bagaude. Kontu horietaz aritu zen Xabier Maeztu RADIO NACIONALen eta BERRIAn. GARAn ere aritu ginen Amaia Ereñagarekin.

Asteazken goibela zen eta Ricardo Gomez eta Haritz Pascualek Los crímenes de la vuelta 83 (Antipersona 2020) aurkeztu zuten.
Mikel Reparaz eta Juan Kruz Lakastak Las grietas de América (Península 2020) aurkeztu zuten.
Pirritx, Porrotx, Marimotots, Maite Mutuberria eta Julio Soto izan genituen Amaren intxaurrak (Katxiporreta 2020) aurkezten.
Oihana Arana, Xabat Illarregi, Endika Legarra, Aner Peritz, Maite Sarasola eta Ekiñe Zapiain Bertsoaroaren baitako saio batean entzun genituen.
June Sanmillán eguberri argiez eta sexuaz aritu zen RADIO EUSKADIn eta LA BRECHA ORGÁSMICA eta EXCEPCIONALISMO SEXUAL (Katakrak 2020) izan zituen mintzagai.

Nerea Azurmendi KONTU PRIBATU BAT (Beppe Fenoglio) liburuaren argitalpenaz aritu zen DIARIO VASCOn eta Ion Stegmeierrek gauza bera egin zuen DIARIO DE NAVARRAn.

Ane Urkirik interneteko plataformetarako lan egiten duten langileen eskubideei buruz erreportaia egin zuen eta CUANDO TU JEFE ES UNA APP (Katakrak 2020) liburuko Laureano Martínezekin hitz egin zuen, besteak beste.

Mahastizain mordoaren ardoak dauzkagu ardotegian. Tartean Arabakoak, Lantziegokoak. El Mozo Wines familia proiektu bat da, 40 urte dauzka. Ardotegitik hiru erreferentzia nabarmentzen dizkizugu: Herrigoia (beratze karbonikoa), El cosmonauta y el viaje en el tiempo (mahats guztiak elkarrekin lantzen dira, mahas guztiak osorik erabiltzen dira eta beratze karbonikoa erdizka egiten da) edota Malaspiedras (zigilu ekologikoa duen ardoa).

Garai grisa da, eguzkitsua baina. Kantinan ezin gara eseri, baina jendeak jana eta edana eramaten du etxera. Gero eta eskaintza zabalagoa dugu, arrautzak, ogia, gazta, ardoa, gure sukaldetik zure sukaldera. Kontzertuak atzeratu behar izan ditugu (Amorante, Petti &Larburu, Eneritz Furyak &Gurrutxaga).
Baditugu albiste onak ere, irailaren amaieran irtsi zen RAMÓN BENGARAY. OSASUNA Y REPÚBLICA Esther Aldaverena eta udazkeneko nobedade nabarmenetako bat izan da: historiaren eta futbolaren zaleak liluratu ditu. Urrian iritsi zen EL BLUES DE LA INVISIBILIDAD. TEORÍA FEMINISTA NEGRA Y CULTURA POPULAR, Michele Wallacena, feminismoaren eta ikasketa kulturalen klasiko bat, hamaika liburu-dendek harrera egin diote. Gaur bertan aurkeztu dugu Beppe Fenoglioren KONTU PRIBATU BAT, Italo Calvinoren aburuz partisanoen literaturako harribitxia.

Mikel Soto, Petti, Harkaitz Cano, Irati Jimenez, Oier Guillan eta Jon Alonsok Suak pizten direnean poema liburua aurkeztu zuten.
Laura P. Larrayak Crónicas de la Hija del viento aurkeztu zuen.
Coral Herrerak Cómo disfrutar del amor ekarri zigun.

Ez dira guztiak, baina hara Letrazaurituetako audio gehiago: Nuria Labari eta Silvia Nanclares eta María Sánchez eta Andrea Abreu.

Esther Aldave, RAMÓN BENGARAY. OSASUNA Y REPÚBLICA liburuaren egilea RNEn izan zen, baita RADIO EUSKADIn ere.

Laureano Martínez, CUANDO TU JEFE ES UNA APP liburuko hitzaurrearen egilea CARNE CRUDA irratsaio sonatuan egon zen.