Ibarraren euskarak gurasoen sortetxean har­tzen du arnasa, baina Iñigoren jardun askok Hiri Buruzagia dute pausaleku. Iñigok, maiz, eta Iruñerriari dagokionez, kanpora begira transmititu ohi den irudiaren ifren­tzua eskaini digu. Azpitik doan hori pausatu nahi izan du, hau da, ageriko ez diren horiek, gure intrahistoriaren hainbat pasarte, behin azaleratuta bat baino gehiago ezustean harrapatzen duten gertakari horiek begi-bistan utzi. Nori ez diote inoiz esan, baina zuek, nafarrak, zer zarete? Ez da lan erraza Jerusalem galduaren soziologiaz teorizatzea. Liburu honetan, Iñigo Ibarrak zenbait argibide agertu dizkigu bizi gaituzten Iruñerria zein Nafarroa Garaia ulertzeko ahaleginean.